Pas analizave të thelluara, u zbulua se burri kishte kontraktuar një infeksion bakterial të rrallë, që kishte hyrë përmes një prerjeje të vogël në lëkurë gjatë rrojës së qafës. Sipas mjekëve, mjeti i përdorur në sallonin e berberit nuk ishte sterilizuar siç duhet, duke bërë që bakteret të depërtojnë në organizëm dhe të përhapin infeksionin.

“Pacienti ishte në rrezik për sepsë nëse nuk do të vinte në kohë. Fatmirësisht, ndërhyrja ishte e shpejtë dhe ai është jashtë rrezikut,” deklaroi një nga mjekët infeksionistë.

Burri u shpreh i tronditur kur mësoi shkakun e gjendjes së tij:
“Nuk do e mendoja kurrë që një prerje flokësh mund të më çonte në spital.”

Mjekët këshillojnë qytetarët që të jenë të kujdesshëm me higjienën në sallonet e bukurisë dhe të kërkojnë që pajisjet të dezinfektohen para përdorimit.