Familja, në dhimbje e sipër, pranoi procedurat e zakonshme pa e kuptuar se pas kësaj fshihej një skenar i errët.

“Kur kërkuam trupin për ceremoninë mortore, pamë që diçka nuk shkonte. Kërkuam një ekspertizë të pavarur, dhe më pas e kuptuam… i mungonin disa organe të brendshme,” – rrëfeu babai mes lotësh.

Ai akuzon autoritetet shëndetësore për trafik organesh dhe kërkon drejtësi, ndërsa rasti është tashmë nën hetim nga prokuroria.

“Vajza ime nuk ishte vetëm një statistikë. Dua të di kush vendosi për trupin e saj, kush përfitoi nga kjo tragjedi!”, thotë ai i shokuar.

Dëshmia e tij ka shkaktuar reagime të forta në rrjetet sociale, ndërsa qytetarët kërkojnë transparencë dhe një hetim të thelluar mbi këtë çështje tejet të ndjeshme dhe tronditëse.