Ushqimi ideal për diabetikët: Të pasura me proteina dhe me indeks të ulët glicemie
Vezët konsiderohen prej kohësh si një nga ushqimet më të plota dhe të shëndetshme, dhe tashmë ekspertët theksojnë edhe më shumë rolin e tyre në menaxhimin e diabetit.

Falë përmbajtjes së ulët të karbohidrateve dhe indeksit të ulët glicemik, vezët ndihmojnë në mbajtjen e niveleve të sheqerit në gjak të qëndrueshme, duke i bërë ato një zgjedhje të shkëlqyer për personat me diabet.

Si të konsumohen vezët në mënyrën më të shëndetshme?
Sipas specialistëve të ushqyerjes, mënyra më e rekomanduar për përgatitjen e vezëve është:
Zierja, pa shtuar yndyrë shtesë
Skuqja e lehtë e vezës së rrahur, duke e përzier me pak qumësht me yndyrë të ulët

Për një vakt të plotë dhe të ekuilibruar, vezët duhet të kombinohen me perime të freskëta dhe jo me produkte të pasura me yndyrë të ngopur, si sallamet apo djathërat e rëndë.

Vezët janë gjithashtu një burim i mirë i proteinave cilësore, vitaminës B12, selenit dhe kolinës, të cilat luajnë një rol të rëndësishëm në shëndetin e trurit dhe të trupit në përgjithësi…