E trishtë/ Ndërron jetë nga infarkti në krye të detyrës mjeku pediatër i QSUT-së gjatë turnit të natës

Një lajm i hidhur vjen nga QSUT-ja, ku mjeku i njohur pediatër Bashkim Nezaj është ndarë nga jeta në mënyrë të parakohshme, teksa ishte në krye të detyrës, duke i shërbyer fëmijëve në Spitalin Pediatrik të Fëmijëve në Tiranë.

Ngjarja ndodhi në orët e para të mëngjesit të së enjtes, gjatë turnit të natës. Miqtë dhe kolegët kanë shprehur dhimbjen dhe keqardhjen për ndarjen e mjekut që njihej për qetësinë dhe përkushtimin në shërbim të të vegjëlve.