28-vjeçari ka humbur kontrollin e makinës tip ‘Volkswagen’ dhe përfundoi në kanalin kullues.

Dyshohet se shkak i aksidentit ka qenë humbja e kontrollit të mjetit për shkak të përgjumjes dhe më pas nga shpejtësia e lartë ka thyer barrierën e hekurt.

Ekspertiza mjeko-ligjore do të përcaktojë shkaqet e vdekjes, nëse i riu është mbytur në ujë apo ndërroi jetë nga përplasja në aksident. Trupi i të riut është dërguar në morgun e qytetit të Lushnjës.