Temperaturat:
Në mëngjes, termometri zbret deri në 11°C në zonat e thella malore dhe ngjitet deri në 20°C në zonat bregdetare. Gjatë mesditës, temperaturat maksimale variojnë nga 24°C në zonat malore deri në 34°C në zona të izoluara të Shqipërisë së jugut, si qarku i Beratit. E diela vijon në të njëjtat vlera, me një rënie të lehtë termike, kryesisht në veri dhe lindje.

Era:
Era mbetet disi problematike përgjatë bregdetit dhe në hapësirat detare, ku do të fryjë me intensitet mesatar dhe drejtim verior gjatë gjithë fundjavës.

Pesëditëshi në vijim:

E hëna: Mot i kthjellët, me rënie të lehtë të temperaturave.
E marta: Shtim i vranësirave në orët e pasdites, me mundësi për rrebeshe afatshkurtra në verilindje dhe juglindje.
E mërkura: Stabilizim i motit, me rritje graduale të temperaturave në ditët në vijim.
Nga e enjtja e tutje: Pritet rritje e ndjeshme e temperaturave, ku termometri mund të ngjitet sërish mbi 37°C në disa zona.
Ballkani:
Pjesa më e madhe e rajonit do të mbetet nën ndikimin e kthjellimeve, me vranësira të lehta kalimtare në veriun dhe juglindjen e Ballkanit. Temperaturat minimale do të variojnë nga 8°C në lindje deri në 16°C në jug, ndërsa maksimalet do të shkojnë nga 24°C në veri dhe lindje, deri në 32-34°C në jug dhe përgjatë bregdetit.

Europa:
Europa Perëndimore dhe pjesërisht qendrore ndodhet nën ndikimin e një vale të nxehti afrikan. Temperaturat ngjiten deri në 40°C në jug të Spanjës dhe mbi 30°C në pjesën më të madhe të Europës Qendrore. Skandinavia përjeton gjithashtu temperatura mbi normalitetin, me vlera që shkojnë mbi 25°C në Oslo dhe Stokholm.