“Kënetën” e kishin mbjellë me kanabis, arrestohen babë e bir në Shkodër

Një tjetër rast i kultivimit të bimëve narkotike është goditur nga policia në Shkodër, në kuadër të operacionit të koduar “Faza e parë”.

Gjatë kontrolleve intensive të ushtruara në territor, shërbimet e Komisariatit të Policisë Shkodër ndërhynë në fshatin Mali i Gjymtit, ku zbuluan një parcelë me fidanë të dyshuar kanabisi të sapombjellë, në zonën e njohur si “Këneta”, në njësinë administrative Dajç.