Një zjarr i madh ka shpërthyer gjatë natës në një përfaqësi të kompanisë Tesla në periferi të Romës, duke shkatërruar 17 automjete dhe duke nxitur një hetim për zjarrvënie të mundshme, transmeton Anadolu.

Siç raporton agjencia italiane e lajmeve ANSA, autoritetet konfirmuan se flakët u shuan nga zjarrfikësit, por pasi shkaktoi dëme të mëdha në përfaqësinë e kompanisë amerikane.

Autoritetet hetuese nuk e kanë përjashtuar këtë si një veprim keqdashës dhe po shqyrtojnë të gjitha shkaqet e mundshme, përfshirë zjarrvënien e qëllimshme​​​​​​​.

Në kuadër të hetimit të tyre të vazhdueshëm, autoritetet do të analizojnë pamjet e vëzhgimit me video nga përfaqësia e kompanisë në një përpjekje për të identifikuar ndonjë aktivitet të dyshimtë.

Icidenti vjen në një kohë sfiduese për Tesla-n në Evropë, ku kompania ka parë një rënie të shitjes. Rënia ka të bëjë me polemika rreth përfshirjes së shefit ekzekutiv të kompanisë, Elon Msuk, në një grup pune për uljen e kostove të formuar nën administratën e presidentit të SHBA-së, Donald Trump.