Kafeja është bërë pjesë e pandashme e mëngjeseve tona – një rit që shumica prej nesh nuk e shmang dot. Por ekspertët shëndetësorë paralajmërojnë: pirja e kafesë me stomak bosh mund të jetë më e dëmshme sesa mendojmë.
Sipas të dhënave shkencore, kafeja e konsumuar pa ngrënë më parë asgjë, mund të rrisë aciditetin në stomak, të irritojë mukozën e aparatit tretës dhe të ndikojë negativisht në nivelin e kortizolit – hormoni i stresit.

Jo vetëm që mund të ndiheni më të stresuar dhe të irrituar gjatë ditës, por kjo praktikë mund të shkaktojë edhe probleme më afatgjata si gastriti apo çrregullime të tretjes.

Ekspertët këshillojnë që para kafesë të konsumoni një mëngjes të lehtë ose të paktën pak ushqim në stomak – si një fetë bukë, një frut ose pak kos – për të mbrojtur sistemin tuaj tretës.