Sipas Forcave të Mbrojtjes së Izraelit (IDF), sulmet kanë pasur në shënjestër vendet e nisjes së raketave të Hezbollahut. Ndërsa, Agjencia Kombëtare e Lajmeve e Libanit raportoi për goditje të shumta ajrore në jug të vendit brenda një harku të shkurtër kohor.

Para ndërhyrjes ushtarake, IDF kishte paralajmëruar qytetarët izraelitë për mundësinë e sulmeve të reja nga Hezbollahu. “Zona të tjera mund të jenë nën zjarr në orët në vijim”, thuhej në njoftim.

Sulmet e reja vijnë ndërsa kryeministri izraelit Benjamin Netanyahu tha se i kishte udhëzuar qeverisë së tij të “hapte negociata të drejtpërdrejta” me Libanin, por deklaroi se nuk do të kishte armëpushim me Hezbollahun në vend, edhe pse ai nxit fillimin e bisedimeve.

“Kam udhëzuar hapjen e negociatave të drejtpërdrejta, por nuk do të ketë armëpushim me Hezbollahun”, është qëndrimi i deklaruar nga Netanyahu.

Zhvillimet e fundit tregojnë një përshkallëzim të situatës në kufirin Izrael–Liban, ku ndërhyrjet ushtarake po vijojnë paralelisht me përpjekjet diplomatike.