Sipas raportimit të Reuters, ideja ka lindur pas një komunikimi me komentatorin e mediave sociale Andrew Callaghan, i cili thuhet se po përpiqet të organizojë eventin. Hunter Biden është shprehur se është “100% dakord” për të marrë pjesë, nëse përballja realizohet.

Deri tani nuk ka pasur asnjë reagim nga familja Trump apo nga Shtëpia e Bardhë, ndërsa mbetet e paqartë nëse kjo sfidë do të konkretizohet.

Ideja vjen në prag të 250-vjetorit të pavarësisë së SHBA-së, ndërkohë që është përmendur edhe mundësia e organizimit të një eventi me luftëtarë të UFC, por pa përfshirjen e figurave politike.

Një përballje e ngjashme ishte përfolur edhe në vitin 2023 mes Mark Zuckerberg dhe Elon Musk, por ajo nuk u realizua.

Përplasjet publike në SHBA kanë precedent historik, ku një nga më të njohurat mbetet dueli i vitit 1804 mes Aaron Burr dhe Alexander Hamilton, që përfundoi me vdekjen e Hamiltonit.

Aktualisht, sfida mbetet një deklaratë që ka tërhequr vëmendje të madhe, por pa konfirmim për zhvillimin e saj.