Sipas policisë, një nga grabitësit nxori armë dhe ia drejtoi gruas për ta detyruar të tërhiqej. Por ajo nuk ishte e pambrojtur siç menduan ata.

Gruaja kishte leje për armë të fshehur dhe ishte e trajnuar për ta përdorur. Pa hezitim, ajo nxori armën dhe qëlloi drejt grabitësve që po largoheshin, duke plagosur njërin prej tyre.

Grabitësit e tjerë arritën të iknin dhe arma nuk u gjet në vendngjarje. Personi i plagosur rezultoi të ishte një djalë 13-vjeçar, i cili u dërgua në spital dhe ndodhet jashtë rrezikut për jetën.Fatmirësisht, nuk pati persona të tjerë të lënduar gjatë incidentit.

Ndërsa rasti ishte ende në hetim, autoritetet dolën me një paralajmërim për qytetarët. Ata këshilluan që në raste grabitjeje, njerëzit të mos përpiqen të kundërpërgjigjen, por të bashkëpunojnë për të shmangur rrezikun.Kjo deklaratë erdhi pasi janë shtuar rastet ku viktimat po reagojnë dhe po luftojnë kundër grabitësve në qytet.

Vetëm disa ditë më parë, një person që u tentua të grabitej në tren reagoi duke përdorur thikë dhe vrau një nga sulmuesit. Në një tjetër rast, një burrë 42-vjeçar u përball me disa grabitës dhe plagosi disa prej tyre gjatë një përleshjeje të dhunshme.Këto raste tregojnë se gjithnjë e më shumë njerëz po zgjedhin të reagojnë, edhe pse rreziku është shumë i lartë.

Policia vazhdon të këshillojë që bashkëpunimi është mënyra më e sigurt në situata të tilla. Megjithatë, rasti i kësaj gruaje tregon se ndonjëherë një reagim i shpejtë mund të ndryshojë gjithçka.

Një gjë është e sigurt… në situata të tilla, çdo vendim mund të jetë vendimtar për jetën