Newsbomb.al mëson se personi që qëlloi me thikë kushëririn e tij është shtetasi Izet Ymeri, një Tiktok-er mjaft i njohur në rrjet.

60-vjeçari Izet Ymeri, dje për motive të dobëta, goditi me thikë kushëririn e tij, 70-vjeçarin Faslli Ymeri, i cili për shkak të plagëve të marra u transportua drejt Tiranës për të marrë mjekim më të specializuar. Fatmirëisht bëhet me dije se i moshuari ndodhet jashtë rrezikut për jetën.

Në vendngjarje mbërritën menjëherë blutë e Fierit të cilët vunë në pranga autorin e ngjarjes Izet Ymerin, ndaj të cilit bëhet me dije se rëndon akuza për veprën penale “”Plagosja e rëndë me dashje”.

Izeti është një emër i njohur për shqiptarët pasi ai njihet si një person mjaft aktiv në Tiktok e për shoqërinë me reperin Kleviol Ahmeti. Shpesh-herë dyshja është parë bashkë në video-live duke realizuar sfida të ndryshme.